МІНСК, 14 лют - Sputnik. Беларусь зацікаўлена ў рэгулярных авіязносінах з Кыргызстанам, пра гэта ішла размова на сустрэчы кіраўніка міністэрства транспарту і камунікацый рэспублікі Аляксея Аўраменкі з паслом Кыргызстана Эрмекам Ібрагімавым.
Пасол Кыргызстана сустрэўся з міністрам транспарту напярэдадні правядзення чарговай Міжурадавай Беларуска-Кыргызскай камісіі па гандлёва-эканамічным супрацоўніцтве. Адной з тэм гутаркі стала супрацоўніцтва ў сферы авіяцыйнага транспарту.
"Мы будзем рады прапанове, у выпадку зацікаўленасці з вашага боку, прапрацаваць арганізацыю прамых авіязносін паміж Бішкекам і Мінскам з авіякампаніямі Кыргызстана. Мы таксама гатовыя аказаць дапамогу ў зручных стыкоўках з маршрутамі іншых авіякампаній у еўрапейскім кірунку", - адзначыў Аўраменка.
Нагадаем, сёння прамых рэйсаў паміж Беларуссю і Кыргызстанам няма.
Абмеркавалі міністар з амбасадарам таксама супрацоўніцтва ў сферы аўтамабільнага транспарту. Праблемных пытанняў у гэтым кірунку няма, бакі цалкам задавальняюць патрэбы адзін аднаго.
