МІНСК, 17 лют - Sputnik. Міністр замежных спраў Беларусі Уладзімір Макей правёў перамовы з кіраўніком МЗС Саудаўскай Аравіі прынцам Фейсалам бін Фарханам аль-Саудам, паведаміла прэс-служба беларускага ведамства.
Перамовы адбыліся ў нядзелю ў рамках рабочага візіту Уладзіміра Макея ў ФРГ для ўдзелу ў 56-й Мюнхенскай канферэнцыі па бяспецы.
Падчас сустрэчы міністры пазітыўна ацанілі развіццё двухбаковага дыялогу і ўзаемадзеяння, дамовіліся аб правядзенні ў бліжэйшай перспектыве пасяджэння Сумеснага камітэта па гандлёва-эканамічным супрацоўніцтве, а таксама аб абмене візітамі рознага ўзроўню.
Бакі прадметна абмеркавалі магчымасці пашырэння ўзаемадзеяння па шэрагу напрамкаў, у тым ліку ў энергетычнай, лічбавай і сельскагаспадарчай сферах.
Акрамя таго, на палях Мюнхенскай канферэнцыі па бяспецы адбыліся кароткія гутаркі кіраўніка беларускага знешнепалітычнага ведамства з міністрамі замежных спраў Арменіі, Грузіі, Егіпта, Кыргызстана і Польшчы, а таксама кіраўнікамі дэлегацый шэрагу іншых краін і міжнародных арганізацый.
