МІНСК, 17 лют - Sputnik. Жоўты ўзровень небяспекі аб'яўлены ў Беларусі на панядзелак з-за моцнага ветру, пра гэта папярэдзілі ў Белгідраметцэнтры.
Беларусы чакалі, што ў пачатку тыдня будзе па-вясноваму цёплае і прыемнае надвор'е, аднак сіноптыкі аб'явілі штармавое папярэджанне.
"Днём 17 лютага месцамі па рэспубліцы чакаецца ўзмацненне ветру парывамі да 15-20 метраў у секунду", - паведамілі яны.
У цэлым у панядзелак у краіне будзе воблачна з праясненнямі. Па поўначы Беларусі пройдуць невялікія дажджы. Будзе дзьмуць паўднёва-заходні парывісты, месцамі моцны парывісты вецер. Днём максімальная тэмпература паветра дасягне +6..+12°С.
У Мінску таксама будзе воблачна з праясненнямі, на працягу дня магчымы невялікі дождж. Месцамі па горадзе чакаецца моцны парывісты вецер. У сярэдзіне дня паветра прагрэецца да +8..+10°С, увечары слупок тэрмометра пакажа ад +6°С да +8°С. На працягу дня атмасферны ціск практычна не зменіцца.
