МІНСК, 22 лют - Sputnik. Беларусы Арцём Кароль і Дар'я Марцынкевіч прайшлі "сляпыя" праслухоўванні на дзіцячым "Голасе", паведамляе Sputnik.
У пятніцу, 21 лютага, адбыўся другі дзень "сляпых" праслухоўванняў сёмага сезона папулярнага шоу "Голас. Дзеці". За выхад у наступны этап конкурсу змагаліся 14-гадовы Арцём Кароль з Ашмянаў і 12-гадовая мінчанка Дар'я Марцынкевіч.
Арцём выканаў кампазіцыю Feeling Good. Да юнага выканаўцы павярнуўся Валерый Меладзе.
Дар'я, якая выканала песню Арыяны Грандэ Break Free, трапіла ў каманду да Паліны Гагарынай.
