Змены і дапаўненні плануюць унесці ў "закон аб надвор'і"

© Sputnik / Евгений Биятов / Перайсці ў медыябанкСупрацоўнік гідраметцэнтра за працоўным месцам
Супрацоўнік гідраметцэнтра за працоўным месцам - Sputnik Беларусь
Падпісацца
Беларусь будзе адаптаваць нацыянальнае заканадаўства "надвор'я" пад адзіны рынак паслуг па прагнозе надвор'я на тэрыторыі Еўразійскага эканамічнага саюза.

МІНСК, 24 лют - Sputnik. Пытанні змены закона "Аб гідраметэаралагічнай дзейнасці" абмяркуюць дэпутаты і метэаролагі ў аўторак у Мінску, паведамілі ў прэс-службе Палаты прадстаўнікоў Нацыянальнага сходу Беларусі.

Цёплае надвор'е, архіўнае фота - Sputnik Беларусь
Сіноптыкі: зімы ў Беларусі не было і не будзе

Выязное пасяджэнне камісіі па пытаннях экалогіі, прыродакарыстання і чарнобыльскай катастрофы ніжняй палаты беларускага парламента пройдзе 25 лютага на базе Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя.

"На пасяджэнні будуць абмеркаваны пытанні гідраметэаралагічнай дзейнасці ў краіне. Таксама плануецца абмеркаваць змяненні і дапаўненні ў айчыннае заканадаўства ў гэтай сферы", - паведамілі Sputnik у панядзелак у прэс-службе.

У пасяджэнні камісіі прыме ўдзел першы намеснік міністра прыродных рэсурсаў і аховы навакольнага асяроддзя Баляслаў Пірштук, які да прызначэння на дадзеную пасаду быў намеснікам старшыні ніжняй палаты беларускага парламента.

Падчас наведвання Белгідрамета дэпутаты профільнай камісіі азнаёмяцца з работай службаў метэаралагічных прагнозаў і радыяцыйнага маніторынгу.

Плануецца таксама вывучыць праблемныя пытанні, абмеркаваць прапановы па выкананні умоў для ўваходжання Беларусі на адзіны рынак паслуг па прагнозе надвор'я і метэаралогіі дзяржаў - членаў Еўразійскага эканамічнага саюза, якія патрабуюць заканадаўчага рэгулявання.

Стужка навiн
0