Супрацоўнікі Sputnik Турцыя затрыманыя – агенцтва

© PixabayКайданкі
Кайданкі - Sputnik Беларусь
Падпісацца
Агенцтва "Россия сегодня" звяртаецца ў ААН, АБСЕ і ЮНЕСКА ў сувязі з сітуацыяй вакол Sputnik Турцыя.

МІНСК, 1 сак - Sputnik. Супрацоўнікі Sputnik Турцыя, на дамы якіх быў здзейснены напад, затрыманыя, паведамляе агенцтва са спасылкай на крыніцы.

Прэзентацыя найбуйнейшага міжнароднага інфармацыйнага брэнда Sputnik - Sputnik Беларусь
Нацыяналісты паспрабавалі ўварвацца ў дамы супрацоўнікаў Sputnik Турцыя ў Анкары

Раней галоўны рэдактар МІА "Россия сегодня" і тэлеканала RT Маргарыта Сіманьян паведаміла, што невядомыя ў ноч з суботы на нядзелю спрабавалі ўварвацца ў дамы да трох супрацоўнікаў Sputnik Турцыя ў Анкары і абвінавачвалі іх у тым, што яны "працуюць на рускіх". Звязацца з супрацоўнікамі, якія звярнуліся ў паліцыю з заявамі супраць пагромшчыкаў-нацыяналістаў, да раніцы нядзелі не атрымалася.

"Крыніцы ў Палаце адвакатаў Анкары, а таксама блізкія супрацоўнікаў Sputnik, на дамы якіх быў здзейснены напад, паведамілі Sputnik, што пасля дачы паказанняў у паліцэйскім участку супрацоўнікі Sputnik былі затрыманыя ў сувязі з прафесійнай дзейнасцю", - распавялі ў Sputnik Турцыя.

Па словах суседзяў аднаго з затрыманых, у іх таксама канфіскавалі мабільныя тэлефоны, але ў паліцыі раёна Каваклыдэрэ ў Анкары агенцтву абверглі гэтую інфармацыю.

МІА "Россия сегодня" звярнулася ў міжнародныя праваабарончыя і журналісцкія арганізацыі - ААН, АБСЕ, ЮНЕСКА, Міжнародную Федэрацыю журналістаў з патрабаваннем звярнуць самую пільную ўвагу на сітуацыю вакол Sputnik Турцыя.

Пракаментавалі сітуацыю ў МЗС Расіі, Дзярждуме і Савеце федэрацыі. Афіцыйную Анкару заклікалі не дапускаць ціску супраць журналістаў.

"Заклікаем турэцкія ўлады ўмяшацца ў сітуацыю, забяспечыць бяспеку прадстаўнікам расійскіх СМІ і садзейнічаць у высвятленні ўсіх абставінаў таго, што адбылося", - заявілі ў МЗС Расіі.

Днём у нядзелю прадстаўнік АБСЕ па СМІ асудзіў напад на журналістаў Sputnik ў Турцыі і пагрозы ў іх адрас.

Стужка навiн
0