МІНСК, 2 сак - Sputnik. Ваенныя інспектары з ЗША праінспектуюць адну з беларускіх вайсковых часцей, паведаміла ў панядзелак прэс-служба Мінабароны Беларусі.
Інспекцыя, паводле інфармацыі ваеннага ведамства, пройдзе 2-5 сакавіка. У якой менавіта часці - не паведамляецца.
"Мэта інспекцыі - пацвердзіць наяўнасць узбраення і ваеннай тэхнікі і адпаведнасць заяўленай колькасці", - распавялі ў Мінабароны.
Падобныя праверкі праводзяцца ў адпаведнасці з палажэннямі Дагавора аб звычайных узброеных сілах у Еўропе. У мінулы раз група ваенных інспектараў з ЗША, Вялікабрытаніі і Канады праводзіла праверку ў беларускай вайсковай часткі ў лютым гэтага года.
У тым жа месяцы група вайскоўцаў НАТА здзейсніла назіральны палёт над тэрыторыямі Беларусі і Расіі - гэта адбывалася ў рамках рэалізацыі міжнароднага Дагавора па адкрытым небе.
