Па апошніх дадзеных, тэхагляд у Беларусі праходзяць не больш за 50% транспартных сродкаў. Многія аўтаўладальнікі лічаць, што прасцей заплаціць штраф, чым дарожны збор, які цяпер прывязаны да тэхагляду. Праблемай заняўся яшчэ папярэдні склад урада, быў нават праект рашэння, але чыноўнікі адмовіліся ад яго адразу па некалькіх прычынах.
Новы праект указа ўжо падрыхтаваны, дарожны збор у Беларусі ўсё ж вырашана адвязаць ад тэхагляду. Пра гэта ў эфіры тэлеканала АНТ заявіў міністр транспарту і камунікацый Аляксей Аўраменка. Паводле яго слоў, кантраляваць аплату будуць праз сістэму відэафіксацыі.
"Адвязка ад тэхагляду дазволіць ўсё ж такі павысіць бяспеку дарожнага руху. Ён не будзе ні да чаго прывязаны, яго кожны карыстальнік зможа сам праз АРІП аплаціць. Вось гэты новы механізм дазваляе плаціць, адпаведна, калі чалавек ездзіць у гэтым месяцы ён плаціць, калі не ездзіць - не плаціць", - адзначыў Аўраменка.
Парушальнікаў будуць шукаць праз сістэму відэафіксацыі, параўноўваючы базы дадзеных. Па словах міністра, новаўвядзенні дазволяць стварыць больш камфортныя ўмовы для аўтаўладальнікаў.
Каментар міністра транспарту і камунікацый Аляксея Аўраменкі слухайце ў аўдыёзапісы на радыё Sputnik Беларусь.
