МІНСК, 4 сак - Sputnik. Беларускі дзяржаўны ўніверсітэт усталяваў новыя расцэнкі на навучанне студэнтаў-платнікаў, адпаведны загад быў размешчаны на сайце ВНУ.
Дакумент за подпісам рэктара БДУ Андрэя Караля датаваны 27 лютага - праз усяго дзесяць дзён пасля таго, як ВНУ абвясціў пра падвышэнне кошту вучобы.
У загадзе гаворыцца, што новыя расцэнкі вызначаюцца "ў сувязі са зменамі аплаты працы работнікаў бюджэтных арганізацый і на падставе вырабленых разлікаў".
Мяркуючы па лічбах, кошты, якія дзейнічалі да ліпеня 2019 года, але трохі ніжэйшыя за тыя, якія былі ўсталяваныя ў БДУ 17 лютага.
Даражэй за ўсё студэнтам-першакурснікам абыйдзецца навучанне на біялагічным факультэце і журфаку, эканамічным факультэце і факультэце міжнародных адносін, юрфаку, а таксама асобных спецыяльнасцях факультэта сацыякультурных камунікацый.
Як раней паведамляў Sputnik, пасля лютаўскага павышэння коштаў у БДУ паднялі кошт навучання і некаторыя іншыя ВНУ Беларусі - БДЭУ, БНТУ і Брэсцкі дзяржуніверсітэт.
