Азербайджан адправіў у Беларусь 90 тысяч тон нафты

© Sputnik / Сергей ЛескетьЗдабыча нафты
Здабыча нафты - Sputnik Беларусь
Падпісацца на
НовостиTelegram
Дзяржаўная нафтавая кампанія Socar адправіла ў Беларусь першую партыю нафты маркі Azeri Light, танкер адправіўся з турэцкага порта Джэйхан.

МІНСК, 6 сак - Sputnik. Азербайджан адправіў у Беларусь 90 тысяч тон нафты, пра гэта паведамілі ў дзяржнафтакампаніі краіны SOCAR раніцай у пятніцу.

Міністр замежных спраў Беларусі Уладзімір Макей - Sputnik Беларусь
Макей: пакуль няма сэнсу працаваць над дарожнымі картамі

Азербайджанская кампанія Socar адправіла ў Беларусь нафту маркі Azeri Light аб'ёмам у 90 тысяч тон, танкер адправіўся з турэцкага порта Джэйхан.

"Нас адправілі ўчора ўвечары, груз - 90 тысяч тон нафты Azeri Light", - цытуе РІА "Новости" словы прадстаўніка SOCAR.

Раней канцэрн "Белнафтахім" паведаміў, што заключыў пагадненне з Азербайджанам аб пастаўках двух партый нафты танкерамі з агульным аб'ёмам 160 тысяч тон. Сыравіну плануецца даставіць ва ўкраінскі порт Адэса і пераваліць на Мазырскі НПЗ па трубаправодзе "Адэса - Броды".

Як заяўляў старшыня канцэрну "Белнафтахім" Андрэй Рыбакоў па выніках сустрэчы з прэзідэнтам кампаніі SOCAR Раўнагам Абдулаевым, згодна з планамі, у бягучым годзе азербайджанская кампанія паставіць у Беларусь да 1 мільёна тон нафты.

Нафтавае пытанне

Беларусь і Расія да пачатка 2020 года не змаглі прыйсці да пагаднення па кошце нафты: рэспубліка адмаўляецца плаціць пастаўшчыкам прэмію ў 6 долараў за тону да кошту пастаўкі. На гэтым фоне 1 студзеня былі прыпыненыя пастаўкі сыравіны ў рэспубліку.

Вядучы аналітык Фонду нацыянальнай энергетычнай бяспекі РФ Ігар Юшкоў - Sputnik Беларусь
Радыё
Эксперт аб пастаўках нафты праз Клайпеду: не думаю, што гэта надоўга

У якасці часовай меры Беларусь закупіла 750 тысяч тон у кампаній расійскага бізнесмена Міхаіла Гуцарыева, якія пагадзіліся працаваць без прэміі. Адначасова, як заяўляе ўрад, вядуцца перамовы з альтэрнатыўнымі пастаўшчыкамі нафты.

У студзені рэспубліка таксама дамовілася аб куплі 80 тысяч тон нарвежскай нафты для "Нафтана" - марка Johan Sverdrup максімальная блізкая па характарыстыках да Urals. Пастаўляцца яна будзе праз порт Клайпеды, які ў год можа прапусціць толькі 3,6 мільёна тон. Акрамя таго, за перавалку і транспарціроўку нарвежскай сыравіны Беларусь пераплачвае па 20 долараў за тону.

Для загрузкі аднаго "Нафтана" патрабуецца каля дзевяці мільёнаў тон штогод, гэта значыць каля 25 тысяч тон штодня. Мазырскі НПЗ перапрацоўвае каля дзесяці мільёнаў тон у год. Большая частка прадукцыі "нафтахіму" ідзе на экспарт у выглядзе светлых нафтапрадуктаў, у першую чаргу аўтамабільнага паліва.

Без альтэрнатывы?

Беларусь ужо шукала альтэрнатыўныя крыніцы нафты ў папярэднія гады. Так, у Венесуэлы рэспубліка закупляла марку Santa Barbara на пачатку 2010-х. Аднак надзвычай дарагая лагістыка і нізкая якасць сыравіны вымусілі звярнуцца да своп-схемы з Азербайджанам. Усяго рэспубліка закупіла ў Венесуэлы за тры гады амаль 3,4 мільёнаў тон. Цікава, што сярэдні кошт за тону расійскай сыравіны для Беларусі ў 2010 годзе была 434 долара, венесуэльскай - 647 долара.

Здабыча нафты - Sputnik Беларусь
Казахстан гатовы прадаваць Беларусі нафту з экспартнай пошлінай

Крыху менш за мільён тон Беларусь закупіла ў Азербайджана ў 2011-м - па кошце ў 838 долараў за тону. Для параўнання: расейская нафта тады ж каштавала каля 430 долараў за тону. У 2016-м Беларусь зноў звярнулася да Азербайдлжана за брэндамі Azeri Light і CPC Blend, аднак таксама ў невялікіх аб'ёмах: 560 тысяч тон. У 2017 рэспубліка закупіла 1,4 мільёна тон нафты ў Ірана.

Пакрыць патрэбы Беларусі ў нафце не могуць ні Азербайджан, ні Казахстан, ні іншыя краіны-партнёры. Акрамя таго, яе ўсё роўна прыйдзецца "разводзіць" расійскай, бо беларускія НПЗ "заточаныя" пад Urals. Пры гэтым кошт альтэрнатыўных пастаўшчыкоў заўсёды перавышае кошт на расійскую сыравіну. Розніца з улікам лагістыкі можа дасягаць практычна два разы.

У мінулым годзе Беларусь купляла ў Расіі нафту па сярэднім кошце ў 364 долара за тону. Пры гэтым рэспубліка плаціла за сыравіну толькі 83% ад сусветнага кошту нафты.

Стужка навiн
0