Скрутак Эстэр і карнавал: беларускія іудзеі сустракаюць вясёлае свята Пурым

© Sputnik / Виктор ТолочкоСкрутак Эстэр і карнавал: беларускія іудзеі сустракаюць вясёлае свята Пурым
Скрутак Эстэр і карнавал: беларускія іудзеі сустракаюць вясёлае свята Пурым - Sputnik Беларусь
Падпісацца на
НовостиTelegram
У гэтыя вясновыя дні ў іудзеяў прынята весяліцца і баляваць так, каб не адрозніць злыдня ад добрага чалавека, чорнага - ад белага, а мужчыны - ад жанчыны.

МІНСК, 9 сак - Sputnik. Вясновае свята Пурым пачнуць адзначаць беларускія іудзеі 9 сакавіка пасля заходу сонца, у сінагогах будуць чытаць скрутак Эстэр, потым пачнецца карнавальнае прадстаўленне, паведаміў Sputnik у панядзелак галоўны равін Рэлігійнага аб'яднання абшчын прагрэсіўнага іудаізму ў Беларусі Рыгор Абрамовіч.

Іудзейскае свята Пурым адзначаецца на 14-ы і 15-ы дзень месяца Адара па яўрэйскім календары. У 2020 годзе святкаванне пачнецца 9 сакавіка пасля заходу сонца і працягнецца да ночы 10 сакавіка, у некаторых гарадах у Ізраілі - да 11 сакавіка.

"Святу Пурым папярэднічае аднадзённы пост. Сёння вечарам у сінагогах будуць чытаць Скрутак Эстэр, затым пачнецца карнавальная частка свята", - паведаміў равін Абрамовіч.

Паводле яго слоў, у мінскай сінагозе на вуліцы Шорная Скрутак Эстэр будуць чытаць на рускай мове.

Традыцыі і звычаі

Равін нагадаў, святкаванне Пурыма звязана з тысячагадовымі традыцыямі і звычаямі, якіх падтрымліваюцца і цяпер. Паводле яго слоў, Пурым лічыцца самым вясёлым святам у іудаізме і ў гэты дзень дазваляецца больш за звычайна выпіць віна. "Але мы ні ў якім разе не прапагандуем ужыванне спіртных напояў", - падкрэсліў рабін.

Ён таксама распавёў, што ў гэтае свята прынята дарыць сябрам і блізкім па два падарункі. "Каб свята было вясёлым і салодкім, каб было што выпіць і што паесці. Часам людзі дасылаюць падарункі напярэдадні свята", - распавёў рэбэ.

Яшчэ адной традыцыяй Пурыма з'яўляецца ахвяраванне маламаёмасным. Па словах рабіна, традыцыя падаваць міласціну жабракам захавалася са старажытных часоў.

Гісторыя Пурыма

Прыкладна ў 450 годзе да нашай эры адзін з царскіх міністраў па імі Аман распрацаваў план знішчэння персідскіх яўрэяў. І цар, паверыўшы паклёпу, вырашыў знішчыць усіх яўрэяў. Аднак любімая жонка цара Эсфір пераканала яго выдаць указ, якім ён дазволіў яўрэям аказваць узброены супраціў. У выніку было раззброена і пасля гэтага збіта нямала персідскіх "антысемітаў", а сам Аман быў пакараны смерцю, потым яму адрэзалі вушы.

У гэтыя дні прынята весяліцца і баляваць так, каб не адрозніць злыдня ад добрага чалавека, чорнага - ад белага, а мужчыны - ад жанчыны.

Стужка навiн
0