МІНСК, 10 сак - Sputnik. Трое першых беларускіх пацыентаў з COVID-19 вылечыліся, паведамілі ў аўторак у прэс-службе Міністэрства аховы здароўя Беларусі.
Тэст на каронавірус "нулявога пацыента" - студэнта БНТУ з Ірана - даў першы адмоўны вынік на мінулым тыдні. Па пратаколе, лічыцца здаровым чалавек можа пасля двух адмоўных тэстаў.
"У студэнта з Ірана атрыманы трэці адмоўны вынік тэсту. У двух пацыентаў, з якімі ён блізка кантактаваў, на сённяшні момант таксама атрыманы адмоўныя вынікі тэстаў", - паведамілі ў Міністэрства аховы здароўя.
Пасля завяршэння мерапрыемстваў лабараторнага і клінічнага кантролю ўсе тры пацыенты будуць выпісаныя са стацыянара - ужо на гэтым тыдні.
"Стан усіх астатніх пацыентаў, у якіх быў дыягнаставаны COVID 19, здавальняючы. Тэмпература нармальная, праводзіцца лабараторны кантроль і мерапрыемствы медыцынскага назірання", - дадалі ў ведамстве.
Пры гэтым пацверджаны і тры новыя выпадкі каронавіруса - у кантактаў пацыентаў, якія вярнуліся з Італіі.
"Аднак прэвентыўная ізаляцыя дадзеных пацыентаў і адэкватнае медыцынскае суправаджэнне дазволілі не дапусціць далейшага развіцця хваробы і распаўсюджвання захворвання. На сённяшні дзень гэтыя тры пацыенты адчуваюць сябе здавальняюча. Тэмпература нармальная, скаргаў няма", - заключылі ў Міністэрстве аховы здароўя.
Як раней тлумачыў міністр аховы здароўя Уладзімір Каранік, спецыфічнага лячэння ад каронавіруса не існуе. Намаганні урачоў былі накіраваны на тое, каб у пацыентаў не было ўскладненняў. З каронавірусам жа арганізмы тых, хто захварэў, справіліся самастойна.
Чытайце таксама:
- Кіраўнік Мінздароўя Беларусі развеяў галоўныя міфы пра каронавірус
- Місія МВФ з-за каронавіруса адклала візіт у Беларусь
- Каранік: з каронавірусам імунная сістэма спраўляецца дастаткова добра
