МІНСК, 11 сак - Sputnik. Беларусь прадставіла Расіі новыя прапановы па пастаўках нафты. Пра гэта заявіў журналістам прэм'ер-міністр Беларусі Сяргей Румас.
Прэм'ер-міністры Беларусі і Расіі правялі ў сераду ў Маскве перамовы. Сярод асноўных тэм перамоў былі і пастаўкі энерганосьбітаў.
Як падкрэсліў пасля перамоваў Румас, парадак дня супрацоўніцтва дзвюх краін не абмяжоўваецца нафтавымі пытаннямі.
"Мы абмеркавалі з Міхаілам Уладзіміравічам ўсе пытанні двухбаковага супрацоўніцтва, якія хвалююць кожны з бакоў", - адзначыў беларускі прэм'ер.
Ён дадаў, што задаволены вынікамі перамоваў з Мішусціным.
"Сапраўды, сітуацыя апошнім часам змянілася, кошты на нафту ўпалі, і ў сувязі з гэтым беларускі бок прадставіў расійскаму новыя прапановы для нафтавых кампаній, якія расійскі бок прыняў і паабяцаў на працягу некалькіх дзён правесці кансультацыі з прадстаўнікамі нафтавых кампаній і даць адказ", - паведаміў Румас.
Прэм'ер падкрэсліў, што "на першы погляд" прапановы не былі адхіленыя расійскім бокам.
