МІНСК, 11 сак - Sputnik. Прэм'ер-міністры Беларусі і Расіі Сяргей Румас і Міхаіл Мішусцін падчас сустрэчы ў Маскве будуць абмяркоўваць інтэграцыю дзвюх краін, паведамілі ў прэс-службе Кабінета міністраў РФ.
У аўторак стала вядома, што кіраўнік беларускага ўрада ў сераду 11 сакавіка з аднадзённым візітам пабывае ў сталіцы РФ і сустрэнецца са сваім расійскім калегам. У Саўміне Беларусі аб падрабязнасцях парадку дня перамоваў не распавялі, адзначыўшы, што Румас і Мішусцін будуць гаварыць пра актуальныя тэмы двухбаковага супрацоўніцтва.
"Плануецца абмеркаванне актуальных пытанняў расійска-беларускага ўзаемадзеяння, у тым ліку ў кантэксце інтэграцыйных працэсаў у рамках Саюзнай дзяржавы Расіі і Беларусі", - гаворыцца ў паведамленні расійскага Кабінета міністраў.
На пачатку сакавіка кіраўнікі ўрадаў Беларусі і Расіі размаўлялі па тэлефоне, абмяркоўвалі супрацоўніцтва ў рамках СД і працу ў Еўразійскім эканамічным саюзе. Тады ж Румас і Мішусцін узгаднілі графік будучых кантактаў - дамовіліся ў бліжэйшы час правесці рабочую сустрэчу.
