Адмена Алімпіяды ў Токіа з-за абвешчанай Сусветнай арганізацыяй аховы здароўя пандэміі каронавіруса - гэта цалкам рэальная сітуацыя, заявіў радыё Sputnik намеснік галоўнага рэдактара "Расійскай газеты", прэзідэнт Федэрацыі спартыўных журналістаў Расіі, віцэ-прэзідэнт Міжнароднай асацыяцыі спартыўнай прэсы Мікалай Далгаполаў і патлумачыў чаму.
"Справа ў тым, што практычна ўсе буйныя міжнародныя спаборніцтвы адмяняюцца, не кажучы ўжо пра комплексныя. А Алімпіяда - гэта спаборніцтва комплекснае, у якім удзельнічаюць каля 10 тысяч спартсменаў, прыязджаюць яны з 206 краін, і вядома, цяпер гэтыя спаборніцтвы пад страшнай пагрозай" , - сказаў Далгаполаў.
Справа не толькі ў тым, што ў Японіі шмат хто захварэў на каронавірус. Па колькасці тых, хто захварэў на тысячу жыхароў гэтая лічба не занадта вялікая, але тым не менш рызыкі застаюцца, мяркуе эксперт.
"Уявіце, што можа здарыцца, калі туды - на востраў - прыедуць людзі з самых розных краін з самымі рознымі захворваннямі? Гэта вельмі небяспечна", - упэўнены Далгаполаў.
Пры гэтым суразмоўца Sputnik лічыць, што зараз ні ў якім разе не варта казаць аб тым, што Алімпіяда адмяняецца і будзе праведзена толькі праз 2 гады.
"Трэба падрыхтавацца да яе так, быццам яна сапраўды будзе праведзена з 24 ліпеня, і па-другое трэба рыхтавацца да таго, што яна можа быць адкладзеная, але ні ў якім разе не адмененая", - падкрэслівае суразмоўца.
