ЕС разлічвае на хуткую ратыфікацыю візавага пагаднення з Беларуссю

© Sputnik / Алексей Витвицкий / Перайсці ў медыябанкСцягі ЕС
Сцягі ЕС - Sputnik Беларусь
Падпісацца
Пагадненне аб спрашчэнні візавага рэжыму і рэадмісіі Мінск і Брусэль падпісалі яшчэ на пачатку студзеня бягучага года, аднак дакументы не ўступяць у сілу, пакуль не будуць ратыфікаваны абодвума бакамі.

МІНСК, 12 сак - Sputnik. Еўрасаюз разлічвае на хуткую ратыфікацыю пагадненняў аб спрашчэнні візавага рэжыму і рэадмісіі з Беларуссю, пра гэта ў чацвер заявіў журналістам кіраўнік прадстаўніцтва ЕС у Беларусі Дзірк Шубель.

шэнгенская віза - Sputnik Беларусь
Польшча ўвяла бясплатныя візы для беларусаў, якія малодшыя за 25 гадоў

Паводле яго слоў, працэс ратыфікацыі пагадненняў у Еўрапарламенце ў самым разгары. Адзін з камітэтаў, якія займаюцца гэтым пытаннем, завяршыў працу, яшчэ некалькі працягваюць праводзіць усе неабходныя працэдуры.
"Спадзяемся, хутка будзем заканчваць працэс ратыфікацыі на нашым баку", - цытуе Шубеля БелТА.

Кіраўнік прадстаўніцтва ЕС нагадаў, што працэдуру ратыфікацыі павінен правесці і беларускі бок.

"Спадзяюся, хутка ў нас будуць гэтыя пагадненні", - заявіў Дзірк Шубель.

Візавае пагадненне

Нагадаем, Мінск і Брусэль падпісалі пагадненні аб спрашчэнні візавага рэжыму і рэадмісіі паміж Беларуссю і Еўрапейскім саюзам на пачатку студзеня бягучага года.

Макей: ратыфікацыя падпісаных з ЕС пагадненняў пройдзе хутка - Sputnik Беларусь
Макей: ратыфікацыя падпісаных з ЕС пагадненняў пройдзе хутка

Візавае пагадненне прадугледжвае, што кошт "шэнгена" для беларусаў знізіцца да 35 еўра, а атрымаць шматразовыя візы стане прасцей. Акрамя таго, для некаторых катэгорыі грамадзян прадугледжана бясплатная выдача візы.

Пагадненне аб рэадміссіі прадугледжвае згоду аднаго з бакоў на прыём назад на сваю тэрыторыю уласных грамадзян і грамадзян трэціх краін, якія не адпавядаюць альбо перасталі адпавядаць крытэрам легальнасці на тэрыторыях адзін аднаго

.Абодва дакументы ўступяць у сілу толькі тады, калі іх ратыфікуюць Еўрапарламент і Нацыянальны сход Беларусі.Ужо вядома, што беларускі парламент плануе ратыфікаваць пагадненне з ЕС аб спрашчэнні візавага рэжыму на вясновай сесіі.

Калі ўсё пойдзе па плане, візавае пагадненне можа пачаць дзейнічаць з 1 чэрвеня.

Стужка навiн
0