МІНСК, 13 сак - Sputnik. Каранцін у беларускіх школах уводзіць цяпер не будуць, заявіла ў пятніцу журналістам намеснік начальніка аддзела гігіены, эпідэміялогіі і прафілактыкі Міністэрства аховы здароўя Іна Карабан.
На фоне распаўсюджвання ў Беларусі каронавіруса COVID-19 ва ўстановах адукацыі прымаюцца меры ўзмоцненага санітарна-эпідэміялагічнага кантролю. Запушчана і анлайн-петыцыя з просьбай абвясціць для школьнікаў і студэнтаў каранцін.
"Дзеці не хварэюць на каронавірусную інфекцыю ў большасці сваёй. Калі і хварэюць, то пераносяць практычна бессімптомна - нават не практычна, а наогул бессімптомна", - заявіла Карабан.
Як дадала прадстаўнік Міністэрства аховы здароўя, "цяпер мы такія меры прымаць не будзем".
Асобна выказаліся і па сітуацыі ў 20-й гімназіі Мінска. Як растлумачылі ў Міністэрстве аховы здароўя, у бацькі адной з вучаніц станоўчы вынік на каронавірус, у яе самой - адмоўны.
Усяго ў Беларусі на сёння пацверджана 27 выпадкаў каронавіруса, тры пацыента ўжо ачунялі, адзін з іх быў напярэдадні выпісаны.
