МІНСК, 15 сак - Sputnik. Урад Літвы ўвечары ў суботу абвясціў, што ў краіне будзе ўведзены каранцін у сувязі з каронавірусам.
"Мэта застаецца той жа - мінімізаваць наступствы распаўсюджвання віруса ўнутры краіны. Таму прапануецца прыняць пастанову ўрада аб абвяшчэнні карантыну ў Літве", - на паседжанні ўрада заявіў прэм'ер-міністр Саўлюс Скверняліс.
Мяркуецца, што карантын працягнецца 15 дзён, аднак можа быць і падоўжаны ў выпадку неабходнасці.
На працягу дня ў суботу з краіны паступала супярэчлівая інфармацыя: спачатку на прэс-канферэнцыі ў суботу міністр унутраных спраў Рыма Тамашунене заявіла, што межы будуць зачыненыя, затым міністэрства гэтую інфармацыю абвергла.
Як удакладніў прэм'ер-міністр Літвы, з пачаткам каранціну на ўсіх пагранпунктах краіны ўступіць у сілу забарона на ўезд замежнікаў усімі відамі транспарту: паветраным, наземным або марскім. Выключэнне складуць транспартныя сродкі, якія займаюцца камерцыйнай дзейнасцю і забяспечваюць дастаўку тавараў першай неабходнасці.
Таксама ў краіну дазволены ўезд некаторым катэгорыям грамадзян: гаворка пра сябраў сем'яў грамадзян Літвы, асобах, якія маюць права на пражыванне ў Літве, і асобах, якія належаць да дыпкорпуса, а таксама служачых у вайсковых частках НАТА і абслугоўваючы іх ваенны персанал.
У цяперашні час у Літве выяўлена восем выпадкаў COVID-19.
Раней аб закрыцці межаў абвясцілі Польшча, Украіна, Латвія.
