МІНСК, 15 сак - Sputnik. Больш за 9 000 беларускіх сем'яў звярнуліся за датэрміновым атрыманнем сямейнага капіталу, такія звесткі апублікавалі ў эфіры тэлеканала "Беларусь 1" у суботу.
Як стала вядома, 95% тых, хто звярнуўся, вырашылі выдаткаваць дапамогу для паляпшэнне жыллёвых умоў. На другім месцы рэйтынгу пераваг - адукацыя. Таксама сем'і вырашылі выдаткаваць капітал на медыцынскія паслугі.
Сёння памер дапамогі складае 22,5 тысячы рублёў. Як прагучала ў эфіры, кожны год назапашванні будуць індэксаваць на ўзровень інфляцыі.
Сямейны капітал - гэта прадастаўленне сем'ям безнаяўных грашовых сродкаў. Прызначаецца пры нараджэнні (або усынаўленні) трэцяга або наступнага дзіцяці з 1 студзеня 2015 года.
Раней выкарыстоўваць сямейны капітал можна было пры дасягненні дзіцем 18 гадоў. Аднак у мінулым годзе дапамогу дазволілі выкарыстоўваць датэрмінова. Звяртацца па дапамогу можна на працягу паўгода пасля нараджэння, усынаўлення або удачарэння трэцяга або наступнага дзіцяці.
Праграма сямейнага капіталу падоўжана указам прэзідэнта на 5 гадоў і працуе са студзеня гэтага года да канца 2024-га.
