МІНСК, 17 сак - Sputnik. Акцэнт у дадзенай выставе зроблены на супрацьстаянні спробам фальсіфікацыі гісторыі, сказаў пасол Расіі Дзмітрый Мезенцаў, перадае карэспандэнт Sputnik.
У Нацыянальнай бібліятэцы сёння адкрылася выстава "Шлях да Перамогі: гістарычныя крыніцы сведчаць". Матэрыялы прадстаўленыя на ёй распавядаюць як Чырвоная Армія вызваляла Усходнюю Еўропу ад нацызму.
Кіраўнік расійскай дыпламатычнай місіі выказаў словы ўдзячнасці калектыву Нацыянальнай бібліятэкі за прафесіяналізм і дапамогу ў арганізацыі экспазіцыі.
Па словах Дзмітрыя Мезенцава, выстава падрыхтаваная з апорай на архіўныя дакументы, як з Расіі, так і з Беларусі.
"Акцэнт у гэтай выставе зроблены на абарону гістарычнай праўды, на барацьбе з тымі хлуслівымі спробамі перапісаць гісторыю перадваенную і перамогі савецкага салдата і народа над фашызмам", - адзначыў дыпламат.
Пры гэтым ён звярнуў увагу, што трэба з павагай казаць аб дзеяннях войск антыгітлераўскай кааліцыі: ЗША, Вялікабрытаніі, Францыі і ўсіх, хто ўключыўся ў барацьбу з гітлерызмам.
"Мы павінны мужна казаць пра велізарныя страты, якія панёс савецкі народ - 27 мільёнаў чалавек", - заклікаў ён.
Дзмітрый Мезенцаў нагадаў пра шматлікія выпадкі гібелі людзей на беларускай зямлі.
"Мы ўсе ведаем, як пацярпела Хатынь. У гэтым мемарыяльным комплексе мы можам убачыць назвы вёсак, жыхары якіх былі спаленыя гітлераўцамі жыўцом. Хатынь, як і ўся зямля Беларусі - гэта месца пакланення подзвігу тых людзей, хто супраціўляўся. Сыходзілі старыя, жанчыны і дзеці", - падкрэсліў расійскі пасол.
На яго думку, у гады вайны з велізарнай бядой, якая пастукалася ў дзверы краіны, справіўся згуртаваны савецкі народ.
"Сёння мы разумеем маштаб гэтага подзвігу, магчыма, нават больш востра, чым гэта разумелася адразу пасля Перамогі", - лічыць Дзмітрый Мезенцаў.
Гістарычны ўрок
У сваю чаргу дэкан гістфаку БДУ Аляксандр Каханоўскі адзначыў важнасць адкрыцця новых дакументаў, таму што тэма вайны па-ранейшаму важная. Яна стала прадметам вывучэння гісторыкаў яшчэ падчас Вялікай Айчыннай вайны.
"Толькі ў Беларусі былі зробленыя дзясяткі тысяч публікацый. Праходзяць гады і мы пачынаем разумець, што далёка не ўсе бакі гісторыі вайны мы ведаем", - канстатаваў доктар гістарычных навук.
У якасці прыкладу ён прывёў той факт, што на сённяшні дзень беларускімі гісторыкамі па сутнасці апублікаваная толькі адна манаграфія, прысвечаная аперацыі "Баграціён". Гэта можа стаць тэмай для далейшага вывучэння.
"Калі пашыраецца доступ да дакументаў - гэта стварае новую аснову для далейшай працы. Мы не павінны забываць пра гераічнае мінулае і для Беларусі і для Расіі гэта вельмі важна. Тэма Вялікай Айчыннай вайны з'яўляецца асноватворнай для фарміравання гістарычнай памяці тых народаў, што перажылі жахі нацызму" , - лічыць Аляксандр Каханоўскі.
На яго думку, гэта гістарычны ўрок таго, што не павінна паўтарыцца. Зараз тэмай для дыскусіі становіцца скажэнне гістарычнай праўды.
"З'яўленне комплексаў новых дакументаў дазваляе пераадолець такія скажэнні, паказаць як яно было ў рэчаіснасці. Дакумент - гэта неабвержны факт", - канстатаваў дэкан гістфаку БДУ.
Пры гэтым ён звярнуў увагу, што сёння публікуецца шмат работ у творчай садружнасці расійскіх і беларускіх гісторыкаў.
