Відэа

Як харчавацца ў Вялікі пост без шкоды для імунітэту - парады эксперта

Падпісацца на
НовостиTelegram
Як пазбегнуць магчымай шкоды для імунітэту з-за вялікапосных абмежаванняў у харчаванні на фоне эпідэміі каронавіруса - парады і майстар-клас па прыгатаванні арыгінальнай поснай стравы ад эксперта беларускай і славянскай кухні, шэф-кухары Алены Мікульчык.

Вялікі пост - гэта ў першую чаргу вера, а не дыета, таму калі вы не прытрымліваліся посту, няма сэнсу пачынаць зараз, кажа суразмоўца Sputnik.

Кісель з марожанай ароніі будзе дарэчы - Sputnik Беларусь
Посцім смачна: як прыгатаваць кісель

"Шчыра скажам, у апошнія гады я не выконваю пост, гэта спецыфіка прафесіі, мне трэба каштаваць, тэставаць. Але абмежаванні ў мяне ёсць, не магу сказаць, што я і так шмат мяса ем. Мая любімая тэма - гэта аўсяны кісель, лепшага спосабу для ўмацавання імунітэту з майго пункту гледжання проста не існуе. І дам савет, можа быць нават нечаканы - я практыкую галаданне", - распавядае Мікульчык.

Сутачнае, інтэрвальныя - варыянтаў галадання шмат, падрабязную інфармацыю пра іх нескладана знайсці ў інтэрнэце, такі варыянт поўнай адмовы ад харчавання падыходзіць не ўсім, у яго ёсць шэраг супрацьпаказанняў, але суразмоўніца Sputnik падкрэслівае, што дзеліцца сваім асабістым вопытам.

"Пры ўсіх незразумелых сітуацыях голад - лепшыя лекі, 24 гадзіны толькі пітво. Я практыкую галаданне ўжо гадоў 17-18, для мяне гэта звычайны лад жыцця, вось я і раскрыла сакрэт сваёй фігуры. І пры любой незразумелай сітуацыі, адчуваеш, што захварэў трошкі - пагаладаць, неяк некамфортна табе са страўнікам, з'еў нешта - пагаладаць, нейкія жыццёвыя праблемы - пагаладаць, вось для мяне гэта рэцэпты на ўсе часы, што б ні здарылася", - адзначае Мікульчык.

Таксама ў праграме - што такое беларускія "праснакі", чым яны карысныя ў Вялікі пост і ў якіх варыянтах могуць быць прыгатаваныя, як у хатніх умовах прыгатаваць макавае малако і зрабіць хатнія цукаты з цытрусавых. Падрабязнасці - у відэатрансляцыі.

Стужка навiн
0