МІНСК, 31 сак - Sputnik. Правядзенне медыцынскіх аглядаў работнікаў прыпынена амаль на месяц, такое рашэнне замацавана ў загадзе Міністэрства аховы здароўя ад 26 сакавіка №344.
На фоне распаўсюджвання каронавіруса COVID-19 беларускія ўстановы аховы здароўя ўжо рабілі шэраг мер: арганізавалі дыстанцыйную выпіску лекаў для хранічных хворых, стварылі асобныя ўваходы для пацыентаў з тэмпературай і гэтак далей.
Яшчэ адной мерай стала адмова ад аглядаў працуючых. Як гаворыцца ў загадзе, "ва ўмовах неспрыяльнай эпідэмічнай абстаноўкі, выкліканай распаўсюджваннем інфекцыі COVID-19".
Загад аб прыпыненні прафаглядаў быў падпісаны 26 сакавіка і адразу ўступіў у сілу, аднак стала вядома пра яго толькі на гэтым тыдні. Паліклінікі пра такое рашэнне ведаюць і ўжо папярэджваюць пацыентаў.
Прыпыненне прафаглядаў будзе дзейнічаць у Беларусі да 20 красавіка.
