МІНСК, 31 сак - Sputnik. Знешні дзяржаўны доўг па стане на 1 сакавіка 2020 года склаў 16,9 мільярда долараў, паведамілі ў прэс-службе міністэрства фінансаў.
Пры гэтым у ведамстве ўдакладнілі, што за тры першыя месяцы ён скараціўся на 300 мільёнаў долараў з улікам курсавых розніц, што ў працэнтных суадносінах складае 1,6%.
У студзені і лютым гэтага года Беларусь выйшла на знешнія рынкі пазык, дзе прыцягнула суму эквівалентную 179,5 мільёна долараў. У гэты ж перыяд улады пагасілі знешнюю запазычанасць на суму роўную 376,2 мільёна долараў.
"Унутраны дзяржаўны доўг па стане на 1 сакавіка 2020 года склаў 9,1 мільярда рублёў, павялічыўшыся з пачатку года на 0,3 мільярда рублёў (з улікам курсавых розніц), або на 3,8%", - удакладнілі ў прэс-службе.
За першыя два месяцы 2020 года на ўнутраным рынку былі размешчаны валютныя дзяржаблігацыі на суму ў 123,8 мільёна долараў. Пры гэтым улады загасілі аблігацыі на 154,3 мільёна долараў і 34,1 мільёна рублёў.
