МІНСК, 10 кра - Sputnik. Сістэму медыавымярэнняў створаць у Беларусі, адпаведны ўказ падпісаў прэзідэнт краіны Аляксандр Лукашэнка, паведамілі ў прэс-службе беларускага лідара.
У падпісаным кіраўніком дзяржавы дакуменце вызначаны асноўныя прынцыпы, па якіх будуць рэгулявацца і функцыянаваць сістэма медыавымярэнняў.
Ва ўказе дадзена таксама вызначэнне медыавымярэнняў: пад імі разумеецца сістэматычны збор, аналіз, захоўванне i распаўсюджванне дадзеных аб глядацкіх і слухацкіх перавагах аўдыторыі тэлевізійных і радыёвяшчальных сродкаў масавай інфармацыі.
Дзяржаўным органам, які атрымаў спецыяльныя паўнамоцтвы ў гэтай сферы, стала Міністэрства інфармацыі. Менавіта ў яго кампетэнцыі знаходзіцца выбар медыавымярыцеля, устаноўка патрабаванняў да яго, падстаў і парадку спынення яго паўнамоцтваў.
