МІНСК, 10 кра - Sputnik. Каталікі сёння адзначаюць Вялікую пятніцу - самы смутны дзень літургічнага года, калі ў храмах успамінаюцца пакуты Збаўцы на крыжы. Гэта адзіны дзень у годзе, калі ў каталіцкіх храмах не служыцца Боская літургія.
Як распавялі Sputnik у Мінска-Магілёўскай каталіцкай дыяцэзіі, з-за распаўсюджвання каронавіруса у Мінску адмянілі хрэсны ход, які традыцыйна здзяйсняецца ў Вялікую Пятніцу.
"Вернікі, якія хочуць далучыцца да хрэснага ходу, могуць гэта зрабіць у Гудагаі, Масары альбо пад Мядзелам", - сказалі ў дыяцэзіі.
Там адзначылі, што нават у Ватыкане хрэсны ход сёння пройдзе без вернікаў - будуць толькі пантыфік, кардыналы і біскупы.
Яшчэ адной асаблівасцю пятнічнай службы, калі адпускаюцца грахі, стане чарговы зварот да Бога аб спыненні пандэміі каронавіруса.
У епархіі таксама адзначылі, што, нягледзячы на тое, што касцёл заклікаў беларускіх каталікоў моліцца дома, некаторыя ўсё роўна прыходзяць у храмы.
"І сёння з-за складанай эпідэмічная сітуацыі крыж, які падчас службы вынесуць да алтара, будзе цалаваць толькі святар, вернікі будуць кланяцца", - сказалі суразмоўцы агенцтва.
Заўтра ў каталікоў Вялікая Субота перад Вялікаднем. У гэты дзень прынята асвячаць велікодныя стравы, але ў Мінску з-за распаўсюджвання каронавіруса святары рабіць гэтага не будуць.
