Пацыентам з лёгкай формай COVID-19 у Беларусі могуць дазволіць лячыцца дома

© Pixabay / MizianitkaЛекі
Лекі - Sputnik Беларусь
Падпісацца на
НовостиTelegram
Раней Міністэрства аховы здароўя Беларусі дазволіў заставацца дома на самаізаляцыі так званым кантактам першага ўзроўню.

МІНСК, 13 кра - Sputnik. Міністэрства аховы здароўя Беларусі плануе дазволіць пацыентам з лёгкай або бессімптомнай формай каронавіруснай інфекцыі лячыцца дома.

Як распавяла намеснік міністра аховы здароўя Алена Богдан, адпаведны дакумент можа з'явіцца ўжо ў бліжэйшы час, грамадзяне змогуць заставацца дома - "пры ўмове магчымасці поўнай самаізаляцыі".

Яна нагадала, што раней ведамства прыняло нарматыўны дакумент, які дазваляе заставацца дома на самаізаляцыі так званым кантактам першага ўзроўню. Выступаючы ў эфіры тэлеканала СТБ, Алена Богдан распавяла, што на кантакты першага ўзроўню цяпер прыпадае больш за палову ўсіх выпадкаў, выяўленых за ўвесь перыяд назірання.

"У нас ужо ідзе папуляцыйная перадача віруса, а не толькі ад тых людзей, якія заехалі і якіх мы адразу ізалявалі", - канстатавала намеснік міністра.

Яна заклікала ўсіх, у каго ёсць магчымасць заставацца дома, скарыстацца ёй, а таксама ўстрымацца ад наведвання састарэлых сваякоў, калі ёсць прыкметы захворвання.

"Мы застаемся на працы дзеля вас і просім вас застацца дома дзеля нас", - сказала Алена Богдан.

Нагадаем, па стане на раніцу 12 красавіка ў Беларусі зарэгістравана 2578 чалавек з наяўнасцю коронавирусной інфекцыі COVID-19 (352 да суботы), у большай часткі пацыентаў захворванне працякае ў лёгкай ці сярэдняй форме. Пасля праходжання лячэння паправіліся і выпісаныя 203 пацыенты, памерлі 26 чалавек.

Стужка навiн
0