МІНСК, 19 кра - Sputnik. Прэзідэнт Расіі Уладзімір Пуцін павіншаваў праваслаўных вернікаў са святам Вялікадня, яго віншаванне апублікавана на афіцыйным сайце Крамля.
У сваім віншаванні расійскі лідар адзначыў, што ў гэтым годзе свята "праходзіць ва ўмовах вымушаных абмежаванняў", падкрэсліўшы пры гэтым, што такія меры неабходныя для барацьбы з каронавіруснай інфекцыяй.
"Разам, аб'ядноўваючы намаганні, мы вырашаем праблемы, якія ўзнікаюць. І для гэтага, як я ўжо не раз казаў, у нас усё ёсць: здаровая, моцная эканоміка, навуковы патэнцыял, неабходная матэрыяльная і высокапрафесійная база ў сферы аховы здароўя", - адзначыў Уладзімір Пуцін.
Ён звярнуў увагу, што ў Расіі ўважліва аналізуюць вопыт па барацьбе з каронавірусам, атрыманы ў іншых краінах, і, бачачы рызыкі, ведаючы, што трэба рабіць пры любым развіцці сітуацыі, робяць неабходнае, працуючы пры гэтым на апярэджанне.
Уладзімір Пуцін адзначыў, што "ўсе меры па абароне жыцця і здароўя людзей, па падтрымцы эканомікі патрабуюць дадатковых і вялікіх рэсурсаў і рэзерваў". "Яны ў нас ёсць, - запэўніў прэзідэнт Расіі. - Мы іх выкарыстоўваем - рупліва, кропкава, зыходзячы з сітуацыі і перш за ўсё для дапамогі людзям, тым сем'ям, якія апынуліся цяпер у складаным становішчы".
Усе ўзроўні ўлады РФ у сітуацыі з каронавірусом працуюць "рытмічна, арганізавана, адказна", канстатаваў прэзідэнт Расіі, сітуацыя знаходзіцца пад поўным кантролем.
Ён таксама падзякаваў усім тым, "хто па закліку сэрца працягвае руку дапамогі іншым, тым, хто ў ёй сёння мае патрэбу" і выказаў упэўненасць, што краіна годна пройдзе праз выпрабаванні.
"У нас у народзе кажуць: на Бога спадзявайся, а сам не рабі промаху. Мы так і робім. Але ў гэты светлае свята Уваскрэсення Хрыстовага ўсё-ткі так і хочацца сказаць: усё будзе добра з Божай дапамогай. Са святам вас. Будзьце шчаслівыя і здаровыя", - заключыў Уладзімір Пуцін.
