Беларусь забараніла экспарт тэрапеўтычнай дыхальнай апаратуры

© Sputnik / Георгий Зимарев / Перайсці ў медыябанкАпараты штучнай вентыляцыі лёгкіх
Апараты штучнай вентыляцыі лёгкіх - Sputnik Беларусь
Падпісацца
Гэтая пазіцыя дапоўніла пералік іншых медыцынскіх тавараў, якія часова забаранілі вывозіць з Беларусі яшчэ ў сярэдзіне сакавіка.

МІНСК, 22 кра - Sputnik. Беларусь забараніла экспартаваць тэрапеўтычную дыхальную апаратуру, сярод якой і апараты ШВЛ, якія неабходныя для хворых каронавіруснай пнеўманіяй, адпаведная пастанова Саўміна апублікавана ў сераду на Нацыянальным прававым інтэрнэт-партале.

Часовую забарону на вываз медыцынскіх тавараў з краіны дзяржава ўвяла яшчэ ў сярэдзіне сакавіка. У спісе "невывазных" апынуліся марля, рэспіратары, медыцынскія пальчаткі, халаты і іншае. Гэты пералік дапоўніла яшчэ адна пазыцыя.

Цяпер пад забарону патрапіла і "апаратура для кіслароднай тэрапіі, штучнага дыхання або іншая тэрапеўтычная дыхальная апаратура (за выключэннем апаратуры, якая выкарыстоўваецца выключна для азонавай або аэразольнай тэрапіі). Гэта значыць, у пералік уваходзяць і апараты ШВЛ, якія неабходныя некаторым хворым COVID-19, у якіх развілася пнеўманія.

Дарэчы, па апошніх дадзеных, якія былі апублікаваныя ў 20 красавіка, у Беларусі на апаратах ШВЛ знаходзілася 92 хворых на каронавірус. У аўторак 21 красавіка Міністэрства аховы здароўя не агучваў колькасць каронавірусных пацыентаў, якія маюць патрэбу ў адмысловым доглядзе.

Стужка навiн
0