МУС: самы вялікі штраф за парушэнне самаізаляцыі - 1215 рублёў

© Sputnik / Виктор ТолочкоЗ праверкай могуць прыехаць у любы час
З праверкай могуць прыехаць у любы час - Sputnik Беларусь
Падпісацца на
НовостиTelegram
За ўвесь час праверак міліцыя склала больш за дзве сотні адміністрацыйных пратаколаў на тых, хто не выконваў патрабаванні самаізаляцыі.

МІНСК, 22 кра - Sputnik. Самы вялікі штраф, выпісаны за парушэнне самаізаляцыі, склаў 45 базавых велічынь, распавяла ў сераду афіцыйны прадстаўнік МУС Беларусі Вольга Чамаданава.

Адпраўленыя на самаізаляцыю грамадзяне - як інфікаваныя каронавірусам, так і кантакты першага ўзроўню - павінны заставацца дома. Правярае захаванне патрабаванняў міліцыя.

"За мінулыя суткі супрацоўнікамі міліцыі сумесна з прадстаўнікамі эпідэміялагічных службаў праверана 10432 чалавекі, якія знаходзяцца на самаізаляцыі. З іх 530 грамадзян адсутнічалі на момант праверкі па месцы свайго знаходжання, але былі вызначаныя прычыны, па якіх іх там не было. То бок, гэта людзі, якія далёка не сышлі ад свайго месца знаходжання", - сказала Чамаданава.

Месцазнаходжанне яшчэ 29 грамадзян на момант праверкі не ўстанавілі.

Таксама Чамаданава паведаміла пра выпадкі штрафавання парушальнікаў рэжыму самаізаляцыі. Самы вялікі штраф - 45 базавых велічынь, гэта значыць 1215 рублёў.

Усяго за ўвесь час было складзена больш за 200 адміністрацыйных пратаколаў на парушальнікаў самаізаляцыі.

Стужка навiн
0