МІНСК, 24 кра - Sputnik. Афіцэры беларускай арміі пералічылі на дабрачынны рахунак міністэрства аховы здароўя больш за 130 тысяч рублёў, паведамілі ў прэс-службе Мінабароны.
Раней паведамлялася, што вайскоўцы з войскаў радыяцыйнай, хімічнай і біялагічнай абароны (РХБЗ) акажуць дапамогу сталічным уладам у дэзінфекцыі дзяржустаноў і медыцынскіх аб'ектаў.
"З ініцыятывай арганізаваць збор сродкаў сярод афіцэраў для садзейнічання ў галіне аховы здароўя насельніцтва краіны на мінулым тыдні выступілі афіцэры Ваеннай акадэміі", - адзначылі ў Мінабароны.
Пры гэтым у абаронным ведамстве асабліва падкрэслілі, што збор сродкаў на дабрачынныя мэты для медыкаў у беларускім войску зараз працягваецца.
Прапанову таварышаў па службе падтрымалі ва ўсіх воінскіх частках беларускага войска. Дабрачынны рахунак адкрыты ў дзяржаўнай установе "Рэспубліканскі цэнтр арганізацыі медыцынскага рэагавання".
У цяперашні час усе грашовыя сродкі, якія паступаюць у дабрачынных мэтах, размяркоўваюцца ў адпаведнасці з патрэбамі канкрэтных устаноў аховы здароўя па ўзгадненні з Міністэрствам аховы здароўя.
