МІНСК, 27 кра - Sputnik. Цёплае, але ветранае надвор'е чакаецца на тэрыторыі беларусі ў панядзелак, 27 красавіка, распавялі ў Белгідрамеце.
Чакаецца пераменная воблачнасць, у асноўным без ападкаў, хіба што па паўночным усходзе могуць прайсці невялікія дажджы.
Прахаладней за ўсё будзе ў Віцебску і Магілёве, там днём чакаецца +10..+12°С, парывы ветру могуць дасягаць 12 метраў за секунду. Крыху цяплей - у Гомелі, дзе паветра прагрэецца да +12..+14°С, пры гэтым чакаецца даволі моцны вецер - таксама да 12 метраў у секунду. У Гродне сіноптыкі прагназуюць да 16 градусаў цяпла, а цяплей за ўсё будзе ў Брэсце, дзе слупкі тэрмометра могуць падняцца да +15..+17°С. а вецер будзе ўсяго 3-8 метраў у секунду.
У сталіцы Беларусі ў панядзелак чакаецца пераменная воблачнасць, да +13°С, істотных ападкаў не прагназуецца, вецер будзе дзьмуць з захаду, яго хуткасць складзе 5-10 метраў у секунду.
