МІНСК, 4 мая - Sputnik. Цеплавізар усталявалі на чыгуначным вакзале ў Мінску на мінулым тыдні, пра гэта паведаміў намеснік старшыні Мінгарвыканкама Аляксандр Дараховіч.
Ён распавёў, што прыладу ўсталявалі на ўваходзе ў залу чакання на другім паверсе будынка. Пакуль яна працуе ў тэставым рэжыме. Дадзеныя з цеплавізара перадаюцца на камп'ютар адміністратара залы. У сярэднім за суткі выяўляюцца 4-5 чалавек з падвышанай тэмпературай.
"Чалавека, у якога выявілі павышаную тэмпературу, ветліва просяць спусціцца на 1 паверх у медпункт, дзе акажуць дапамогу лекары 38-й паліклінікі. У залежнасці ад канкрэтнай сітуацыі медыкі прымаюць адпаведныя меры: аказваюць дапамогу, выдаюць хвораму маску, выклікаюць хуткую і гэтак далей" , - цытуе Дараховіч агенцтва "Мінск-Навіны".
У Менгарвыканкаме лічаць, што цеплавізары, у першую чаргу, трэба ўсталяваць на вакзалах і ў аэрапорце. Там перакананыя: чым больш месцаў грамадскіх месцаў аснасцяць такімі прыладамі, тым бяспечней стане жыццё гараджан.
