МІНСК, 6 мая - Sputnik. Міністэрства фінансаў Расіі прагназуе ў 2020 годзе кошт на нафту ў сярэднім каля 30 долараў за барэль, заявіў кіраўнік ведамства Антон Сілуанаў.
Кошт чорнага золата на пачатку сакавіка ўпаў больш чым на 30% пасля пасяджэння АПЕК+. Тады ўдзельнікі пагаднення не змаглі дамовіцца аб чарговым скарачэнні здабычы нафты. На гэтым фоне Сірыя прапанавала сваім кліентам дысконт і пачала нарошчваць здабычу.
Негатыўна на рынак энергарэсурсаў паўплывала і пандэмія каронавіруса, якая абваліла прамысловую вытворчасць па ўсім свеце.
"Што датычыцца прагнозаў, то ў гэтым годзе мы чакаем каля 30 долараў за барэль (у сярэднім па годзе з улікам даволі высокіх коштаў у I квартале), у наступным - крыху больш", - сказаў Антон Сілуанаў у інтэрв'ю газеце "Ведамасці".
У канцы папярэдняга месяца Цэнтрабанк РФ у сваім прагнозе заклаў сярэднегадавую цану на нафту маркі Urals у гэтым годзе ну ўзроўні каля 27 долараў за барэль.
Раней прэм'ер-міністр Сяргей Румас заявіў, што Беларусь у красавіку атрымае каля двух мільёнаў тон нафты расійскага паходжання па кошце каля чатырох долараў за барэль.
У канцэрне "Белнафтахім" паведамілі, што ў маі бягучага года з Расіі будзе пастаўлена каля 1,13 мільёна тон нафты, а скарачэнне попыту абумоўлена, як планавым рамонтам на Мазырскім НПЗ так і становішчам спраў на рынку.
