МІНСК, 17 мая - Sputnik. Пасяджэнне Савета пастаянных паўнамоцных прадстаўнікоў дзяржаў - удзельніц СНД пройдзе ў фармаце відэаканферэнцыі, пра гэта паведаміла прэс-служба Выканкама СНД.
Пасяджэнне Савета намечана на 19 мая, яно адбудзецца ў Выканаўчым камітэце СНД у Мінску. Дыпламаты падвядуць вынікі пасяджэння Савета міністраў замежных спраў СНД, а таксама намецяць задачы па рэалізацыі прынятых на СМЗС дакументаў.
Абмяркуюць удзельнікі сустрэчы таксама падрыхтоўку да чарговага пасяджэння Савета кіраўнікоў урадаў СНД, якое пройдзе 29 мая бягучага года ў рэжыме відэаканферэнцсувязі.
"У праект парадку дня пасяджэння ўключана пятнаццаць пытанняў, якія тычацца ўзаемадзеяння краін СНД у эканамічнай, транспартнай, будаўнічай, энергетычнай сферах, а таксама ў галіне адукацыі, турызму, спорту, культуры, маладзёжнага супрацоўніцтва і забеспячэння бяспекі", - сказана ў паведамленні.
Адзначаецца, што на пасяджэнні плануецца разгледзець папраўкі ў рэгламент работы Савета пастаянных прадстаўнікоў.
Нагадаем, пасяджэнне СМЗС СНД прайшло 12 мая, тады яно ўпершыню адбылося ў фармаце відэаканферэнцыі. Па яго выніках было прынята 13 дакументаў, накіраваных на паглыбленне партнёрскіх сувязей у міжнароднай, гуманітарнай і ваеннай сферах. Ухваленыя праекты дакументаў унясуць на разгляд Савета кіраўнікоў урадаў і Савета кіраўнікоў дзяржаў СНД.
