МІНСК, 18 мая - Sputnik. РУП "Белпошта" павысіла тарыфы на перасылку міжнародных паштовых адпраўленняў, пра гэта паведамілі ў прэс-службе паштовага аператара.
У "Белпошце" адзначылі, што ў сувязі са складанай эпідэміялагічнай сітуацыяй у свеце з-за каронавіруса, авіякампаніі, якія ажыццяўляюць перавозку пошты з Беларусі ў іншыя краіны, рэгулярна карэктуюць маршруты і скарачаюць колькасць авіярэйсаў. Паштоваму аператару прыходзіцца дастаўляць пасылкі і лісты іншымі спосабамі - аўтамабільным, паветраным і марскім транспартам.
"Прапанаваныя тарыфы грузаперавозчыкаў і авіяперавозчыкаў значна вышэй раней дзеючых, у сувязі з чым РУП "Белпошта" пераглядае тарыфы на паслугі па перасылцы міжнародных паштовых адпраўленняў", - растлумачылі ў прэс-службе.
У той жа час, кошт перасылкі паштовых адпраўленняў унутры краіны пакуль мяняцца не будзе.
З актуальнымі тарыфамі можна азнаёміцца ў раздзеле "Тарыфы" на афіцыйным сайце "Белпошты".
