МІНСК, 21 мая - Sputnik. Абарот гандлю паміж Расіяй і Беларуссю ў студзені-сакавіку гэтага года знізіўся на 20,8%, гаворыцца ў паведамленні Федэральнай мытнай службы РФ.
"Расійскі экспарт склаў 3,337 мільярда долараў (зніжэнне на 31,7%), імпарт у Расію з Беларусі - 2,804 мільярда долараў (зніжэнне на 2,3%)", - сведчаць дадзеныя ФМС.
Агульная сума тавараабароту паміж дзвюма краінамі за першыя тры месяцы бягучага года склала ўсяго 6,141 мільярда долараў.
Доля Беларусі ў знешнегандлёвым абароце Расіі за справаздачны перыяд знізілася да 4,3% з 4,9% у параўнанні з першым кварталам 2019 года.
Беларусі дапамагаюць паслугі
Экспарт тавараў і паслуг у першым квартале ў параўнанні з аналагічным перыядам мінулага года знізіўся на 11,3% да лічбы ў 8,665 мільярда долараў, прыводзіць адпаведныя дадзеныя Нацбанк.
Знешнегандлёвы абарот тавараў і паслуг Беларусі за першы квартал скараціўся на 11,7% і склаў 16,833 мільярда долараў. Пры гэтым імпарт асеў на 12,1% да лічбы 8,167 мільярда долараў.
Беларускі гандаль пры гэтым прадэманстраваў дадатнае сальда экспарту і імпарту тавараў і паслуг на суму ў 498 мільёна долараў, што амаль на 17 мільёнаў долараў больш, чым у мінулым годзе.
