МІНСК, 21 мая - Sputnik. Збор подпісаў за вылучэнне кандыдатаў у прэзідэнты стартуе ў Беларусі 21 мая, паведамляе Sputnik са спасылкай на каляндар выбарчай кампаніі.
Выбары прэзідэнта Беларусі пройдуць 9 жніўня. Цяпер перадвыбарчая гонка знаходзіцца ў стадыі вылучэння прэтэндэнтаў.
Пасля трох пасяджэнняў Цэнтрвыбаркама ў рэспубліцы зарэгістравалі 15 ініцыятыўных груп па вылучэнні кандыдатаў у прэзідэнты:
1. Аляксандр Лукашэнка
2. Алег Гайдукевіч
3. Юрый Ганцавічаў
4. Уладзімір Няпомняшчых
5. Наталля Кісель
6. Віктар Бабарыка
7. Валерый Цапкала
8. Сяргей Чэрачэнь
9. Ганна Канапацкая
10. Вольга Кавалькова
11. Андрэй Дзмітрыеў
12. Святлана Ціханоўская
13. Аляксандр Таболіч
14. Юрый Губарэвіч
15. Мікалай Казлоў
Ініцыятыўныя групы ў кожнага розныя: так, у Аляксандра Лукашэнкі яна перавышае 11 тысяч чалавек, у Віктара Бабарыка - амаль дзевяць тысяч чалавек. У іншых - напрыклад, у Юрыя Губарэвіча, Мікалая Казлова і Вольгі Кавалькова - групы крыху перавышаюць мінімальнае магчымае значэнне ў сто чалавек.
У тэрмін да 20 чэрвеня групы павінны сабраць не менш за 100 тысяч подпісаў за вылучэнне свайго прэтэндэнта кандыдатаў у прэзідэнты.
Збіраць подпісы сябры ініцыятыўных групаў абавязаныя з захаваннем супрацьэпідэміялагічнаых мер: быць у масках і пальчатках. Яны могуць дзейнічаць як на вулічных пікетах, так і шляхам хаджэння па хатах.
Пасля праверкі здадзеных подпісаў, у выпадку выканання патрабаванай іх колькасці, а таксама іншых нормаў заканадаўства, прэтэндэнт рэгіструецца кандыдатам і трапляе ў бюлетэнь.
