МІНСК, 23 мая - Sputnik. Міністэрства адукацыі Беларусі вызначыла рэзервовыя дні для правядзення цэнтралізаванага тэсціравання (ЦТ), адпаведную пастанову ведамства ад 20 мая 2020 года №93 афіцыйна апублікавана сёння на Нацыянальным прававым інтэрнэт-партале.
Мінадукацыі зацвердзіла новы графік правядзення ЦТ-2020 напярэдадні. Такім чынам, першае тэсціраванне пройдзе 25 чэрвеня, а апошняе зрушылася на 16 ліпеня.
Рэзервовымі днямі ЦТ па беларускай і рускай мовах зацверджаны 19 і 21 ліпеня. Грамадазнаўства, матэматыку, біялогію, замежныя мовы (англійскую, нямецкую, французскую, іспанскую, кітайскую), хімію, фізіку, гісторыю Беларусі, геаграфію, сусветную гісторыю (найноўшы час) можна будзе здаць 19 і 23 ліпеня.
Тэрміны рэгістрацыі для праходжання цэнтралізаванага тэсціравання ў рэзервовыя дні - з 12 па 17 ліпеня.
Абітурыенты змогуць забраць сертыфікаты ЦТ у пунктах яго правядзення з 24 ліпеня, тыя, хто здаваў ЦТ у рэзервовыя дні, - з 29 ліпеня.
