Радыё

Беларуснафта: новая свідравіна праблему не вырашыць, але гэта перспектыва

© Photo : Вячеслав СуходольскийБеларуснафта: адна новая свідравіна праблему не вырашыць, але гэта перспектыва
Беларуснафта: адна новая свідравіна праблему не вырашыць, але гэта перспектыва - Sputnik Беларусь
Падпісацца
Намеснік генеральнага дырэктара па геалогіі кампаніі "Беларуснафта" Пётр Поўжык пракаментаваў якасць нафты ў двух новых радовішчах у Хойніцкім раёне і ацаніў перспектывы далейшых распрацовак.
Белоруснефть: одна новая скважина проблему не решит, но это перспектива

Нагадаем, напярэдадні стала вядома аб адкрыцці двух новых беларускіх радовішчаў, Ізбыньскае і Паўночна-Амелькаўшчынскае знаходзяцца ў Хойніцкім раёне Гомельскай вобласці, паводле папярэдніх ацэнак, запасы нафты ў іх перавышаюць 2,5 мільёна тон пры тым, што ў год у краіне здабываюць 1 мільён 710 тысяч тон.

Два новыя радовішчы нафты адкрыты ў Беларусі - Sputnik Беларусь
Два новыя радовішчы нафты адкрыты ў Беларусі

"Якасць нафты выдатная, гэта лёгкая нафта з практычна нізкім утрыманнем парафіна і асфальт-смалістых адкладаў, гэта стандартная нафта нашага рэгіёна, яна ідзе ўся на экспарт, як добрая прадукцыя", - патлумачыў спецыяліст.

Па планах, абедзве свідравіны будуць уведзены ў эксплуатацыю на працягу наступнага месяца, далей плануецца запусціць здабычу і ў гэтай жа структурна-тэктанічнай зоне працягнуць пошукавае і эксплуатацыйнае бурэнне, дадаў суразмоўца.

На сённяшні момант у нас дзеючых 870 свідравін, і ў нас дадаецца адна свідравіна, якая ў цэлым праблему не вырашыць, але пытанне іншага плану - мы для сябе адкрылі новыя гарызонты для нарошчвання рэсурснай базы і на будучыню будаўніцтва новых свідравін.

Гэта патэнцыял на заўтра і паслязаўтра, сёння адна свідравіна здабычу ў краіне рэзка не памяняе, але перспектыва на заўтра - дзе свідраваць свідравіну, як размяшчаць і стабілізаваць у краіне здабычу нафты - такая перспектыва адкрываецца дзякуючы адкрыццю двух новых радовішчаў, распавёў Поўжык.

"Мы зараз зрабілі вялікі акцэнт на Хойніцкі раён, у перспектыве плануем працаваць у паўднёвай зоне Прыпяцкага прагіну, гэта Ельскі і Петрыкаўскі раёны", - дадаў Поўжык.

Стужка навiн
0