МІНСК, 29 мая - Sputnik. Апошнія званкі не будуць праведзены сёння ў мінскіх школах з-за каронавіруса, паведамляе Sputnik.
Пандэмія каронавіруса ўнесла карэктывы ва ўсе сферы жыцця, адукацыя не стала выключэннем.
Так, з-за каронавіруса вялікая частка школьнікаў не наведвалі заняткі ў апошнюю чвэрць. Выпускнікі ж пазбавіліся апошніх званкоў і выпускных.
Апошнія званкі павінны былі адбыцца ў школах Мінска 29 мая, у рэгіёнах - 30 мая. Аднак ад традыцыйнага фармату чыноўнікам прыйшлося адмовіцца - занадта рызыкоўна.
Зразумела, сёння выпускнікі і іх бацькі змогуць пры жаданні падзякаваць настаўнікам і падарыць ім кветкі, але звыклай лінейкі з канцэртам не будзе. Выключэння магчымыя, аднак яны будуць рэдкімі - напрыклад, у сельскіх школах або ў рэгіёнах з лепшым эпідэміялагічным становішчам.
Для большасці ж беларускіх выпускнікоў апошнія званкі будуць аб'яднаныя з выпускнымі: традыцыйных балаў у гэтым годзе таксама не будзе, аднак атэстаты ўсё роўна ўручаць ва ўрачыстай абстаноўцы.
