МІНСК, 6 чэр - Sputnik. Прэзідэнт Беларусі Аляксандр Лукашэнка ацаніў работы па добраўпарадкаванні Магілёва - кіраўнік дзяржавы наведвае ў суботу абласны цэнтр.
У ходзе рабочай паездкі беларускі лідар даў дадатковыя даручэнні кіраўніцтву горада для яго далейшага развіцця. І выслухаў даклад мэра Магілёва Уладзіміра Цумарава.
"Малайчына. Нядрэнна, але гэта яшчэ асобныя зярняткі. Горад павінен быць прыгожым", - цытуе словы прэзідэнта БелТА. Лукашэнка распавёў таксама, што добраўпарадкоўваюцца і іншыя абласныя цэнтры рэспублікі.
Што да Магілёва, то кіраўнік дзяржавы зрабіў акцэнт на прамысловасці горада, даручыўшы правесці рэвізію.
Лукашэнка азнаёміўся з горадабудаўнічымі планамі Магілёва. Прэзідэнту расказалі і аб работах па добраўпарадкаванні ў ландшафтна-рэкрэацыйнай комплексе "Падніколле", дзе запланавана абсталяванне спартыўных і дзіцячых пляцовак, а таксама атракцыёнаў. Кіраўнік дзяржавы папрасіў паскорыць тэрміны далейшага добраўпарадкавання комплексу.
