Супернік Лукашэнкі назваў сітуацыю з "Белгазпрамбанкам" рэйдарскім захопам

© REUTERS / Vasily FedosenkoОфіс Белгазпрамбанка ў Мінску
Офіс Белгазпрамбанка ў Мінску - Sputnik Беларусь
Прэс-сакратар Лукашэнкі заявіла, што па справе Безгазпромбанка затрыманыя 15 чалавек і яны даюць прызнальныя паказанні.

МІНСК, 14 чэр - Sputnik. Экс-кіраўнік Белгазпрамбанка і супернік Аляксандра Лукашэнкі на выбарах кіраўніка дзяржавы Віктар Бабарыка у інтэрв'ю РБК назваў ператрусы і затрыманні ў Белгазпрамбанку рэйдарскім захопам.

Заява Бабарыка

"Я цалкам падзяляю пазіцыю з прэс-рэлізу "Газпрама" і Газпрамбанка. Гэта - рэйдарскі захоп, прычым з боку дзяржавы, якая парушае не толькі ўнутранае заканадаўства, але і міжнародныя дамовы", - заявіў Віктар Бабарыка.

Лукашэнка жорстка адказаў канкурэнтам на выбарах - Sputnik Беларусь
Лукашэнка жорстка адказаў канкурэнтам на выбарах

Паводле яго слоў, з логікі таго, што адбываецца вынікае, што гэты працэс накіраваны супраць яго. Акрамя таго, адзначыў Бабарыка, гэты працэс закрануў інтарэсы як уласнікаў банка, так і кліентаў. Ён дадаў, што паколькі сам не працуе больш у банку, здаваць каментар па сітуацыі з супрацоўнікам не можа, аднак сярод тых, хто была затрыманы, ёсць яго сябры, якіх абвінавачваюць ва ўхіленні ад выплаты падаткаў.

Адказваючы на пытанне пра магчымае прызначэнне Надзеі Ермаковай на пасаду старшыні праўлення Белгазпрамбанка, Бабарыка заявіў, што па заканадаўству Рэспублікі Беларусь старшыні праўлення прызначаюць ўласнікі і акцыянеры. "У Белгазпрамбанку дзяржава мае знікаюча малую долю (менш за палову адсотка), і гэтая доля не з'яўляецца "залатой акцыяй". Таму прызначэнне нават в.а. старшыні праўлення - прэрагатыва акцыянераў", - заявіў Бабарыка.

Каментар Эйсмант

РБК звярнуўся па каментар з нагоды зробленых Бабарыка заяў да прэс-сакратара прэзідэнта Беларусі Наталлі Эйсмант.

Эйсмант звярнула ўвагу на тое, што ўсе справы, у рамках расследавання якіх былі затрыманыя 15 чалавек, распачатыя "па сур'ёзных артыкулах": гаворка ідзе аб легалізацыі сродкаў, здабытых злачынным шляхам у асабліва буйным памеры, а таксама нявыплаце падаткаў у асабліва буйным памеры.

"Чалавек, у якога вы бралі інтэрв'ю, можа быць, не ведае, - усе яны даюць прызнальныя паказанні. У тым ліку і супраць яго", - дадала Эйсмант, пры гэтым за падрабязнасцямі па гэтых справах яна рэкамендавала звярнуцца ў Камітэт дзяржкантролю.

"Што тычыцца застрашванняў, пра якія заяўляецца. Магу вам сказаць дакладна, што цяперашняму прэзідэнту запалохванне і ціск як раз зусім не трэба, абсалютна. Больш за тое - яно можа быць на шкоду. Аднак закон ёсць закон", - заявіла Эйсмант.

З чаго пачалося

Пра тое, што дэпартамент фінансавых расследаванняў Камітэта дзяржкантролю распачаў крымінальную справу ў дачыненні да шэрагу былых і цяперашніх супрацоўнікаў Белгазпрамбанка, стала вядома 11 чэрвеня. Інфармацыя пра ператрусы ў цэнтральным офісе Белгазпрамбанка з'явілася раніцай у чацвер. Неўзабаве ў КДК пацвердзілі гэтую інфармацыю.

Дэпартамент фінансавых расследаванняў КДК распачаў крымінальную справу па двух артыкулах Крымінальнага кодэкса - за "ўхіленне ад выплаты сум падаткаў і збораў у асабліва буйным памеры" і "легалізацыю сродкаў, атрыманых злачынным шляхам, у асабліва буйным памеры".

Хто дакладна з'яўляецца падазраванымі, не паведамлялася, пры гэтым, адказваючы на пытанне Sputnik, ці ўзбуджаная крымінальная справа ў дачыненні да Віктара Бабарыкі, у прэс-службе ведамства заявілі: "Гэтая асоба працэсуальнага статусу па гэтай крымінальнай справы не мае".

У пятніцу, 12 чэрвеня, Аляксандр Лукашэнка расказаў, што па справе, звязанай з Белгазпрамбанкам, затрымана каля 15 чалавек."Я даручыў старшыні Камітэта дзяржкантролю (там фінансавая міліцыя гэтым займаецца). Зараз у вялікіх аб'ёмах ідуць аператыўныя і следчыя мерапрыемствы", - пракаментаваў Аляксандр Лукашэнка, дадаўшы, што па Белгазпрамбанку вялася праца пачынаючы з 2016 года.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі