МІНСК, 15 чэр - Sputnik. Прэзідэнт Беларусі Аляксандр Лукашэнка павіншаваў з днём нараджэння старшыню Кітайскай Народнай Рэспублікі Сі Цзіньпіна, пра гэта паведамілі ў прэс-службе кіраўніка дзяржавы ў панядзелак.
"У Беларусі шчыра рады выбітным поспехам Кітайскай Народнай Рэспублікі пад вашым кіраўніцтвам. Чарговым яркім прыкладам стала барацьба з пандэміяй, калі кітайскі народ прадэманстраваў свае лепшыя якасці: мудрасць, згуртаванасць і цвёрдасць духу", - сказана ў віншаванні.
На думку Аляксандр Лукашэнкі, Кітай упэўнена займае лідзіруючыя пазіцыі на міжнароднай арэне: дзякуючы дальнабачнай палітыцы, комплексным падыходам і ўзважаным рашэнням.
"Глабальная ініцыятыва "Пояс і шлях" заслужана атрымала сусветнае прызнанне і аб'яднала вакол сябе многія дзяржавы на розных кантынентах", - дадаў прэзідэнт.
Кіраўнік дзяржавы адзначыў таксама асабісты ўнёсак Сі Цзіньпіна у развіццё беларуска-кітайскага партнёрства і сяброўства: ён згадаў, што агульнымі намаганнямі ўжо рэалізуюцца сумесныя праекты, будуюцца прамысловыя і сацыяльныя аб'екты.
"Упэўнены, што разам мы зможам дасягнуць новых знакавых здзяйсненняў на карысць двух народаў. З моманту вашага гістарычнага візіту ў Беларусь у 2015 годзе двухбаковыя адносіны набылі характар "жалезнага братэрства", - лічыць прэзідэнт.
Ён таксама запрасіў кітайскага калегу ў сталіцу Беларусі, адзначыўшы, што з нецярпеннем чакае асабістай сустрэчы, "якая напоўніць новым зместам ўвесь комплекс міждзяржаўнага супрацоўніцтва".
