МІНСК, 15 чэр - Sputnik. Міністэрства аховы здароўя Беларусі абнавіла статыстыку па каронавірусу - COVID-19 выяўлены ўжо ў 54680 чалавек, паведамілі сёння ў ведамстве.
Да раніцы панядзелка ў Беларусі праведзена амаль 750 тысяч тэстаў на каронавірус - за суткі іх зроблена крыху менш за 16 тысяч.
Зарэгістравана 54680 выпадкаў каронавіруса. За дзень выяўлена 707 новых выпадкаў - мінімальная з канца красавіка колькасць.
Паправіліся і выпісаныя ўжо 30420 чалавек - іх на 317 больш, чым напярэдадні. На папярэднім тыдні ў асобныя дні колькасць здаровых дасягала тысячы, аднак у выхадныя таксама адносна зніжалася.
"За ўвесь перыяд распаўсюджвання інфекцыі на тэрыторыі краіны памерлі 312 пацыентаў з шэрагам хранічных захворванняў з выяўленай каронавіруснай інфекцыяй", - дадалі ў Міністэрстве аховы здароўя.
Такім чынам, колькасць смяротных зыходаў за нядзелю вырасла на чатыры чалавекі.
Статыстыкі распаўсюджвання каронавіруса ў рэгіёнах Міністэрства аховы здароўя Беларусі не называла больш за месяц.
