МІНСК, 19 чэр - Sputnik. Уступныя выпрабаванні, а таксама тэрміны прыёму дакументаў на бюджэтныя і платныя месцы перанесены ў Беларусі. Адпаведную пастанову Міністэрства адукацыі апублікавана на Нацыянальным прававым інтэрнэт-партале.
Згодна з пастановай №105 ад 3 чэрвеня 2020 года, прыём дакументаў зрушаны на тыдзень, а ўступныя экзамены ссунуліся практычна на два тыдні.
Калі будуць прымаць дакументы?
- ад асоб, якія паступаюць у ВНУ для атрымання вышэйшай адукацыі за кошт бюджэтных сродкаў і на платнай аснове - з 25 па 31 ліпеня;
- у Акадэмію МУС, Магілёўскі інстытут МУС Універсітэт грамадзянскай абароны МНС - з 25 ліпеня па 10 жніўня;
у Беларускую дзяржаўную акадэмію мастацтваў, Беларускую дзяржаўную акадэмію музыкі, Беларускі дзяржаўны ўніверсітэт культуры і мастацтваў - з 25 ліпеня па 13 жніўня; - у іншыя ўстановы вышэйшай адукацыі (УВА) - з 25 ліпеня па 15 жніўня;
- дакументы ад выпускнікоў профільных класаў педагагічнай накіраванасці, якія паступаюць на педагагічныя спецыяльнасці, прымуць з 25 па 27 ліпеня;
- ад тых, хто паступае на завочную форму ў УВА сельскагаспадарчага профілю за кошт бюджэтных сродкаў і на платнай аснове - з 15 лістапада па 5 снежня.
Калі пройдуць уступныя экзамены?
- ва Універсітэце грамадзянскай абароны МНС Беларусі, Ваеннай акадэміі Рэспублікі Беларусь і на ваенных факультэтах - з 1 па 3 жніўня;
- у ВНУ сельскагаспадарчага профілю ў завочнай форме - з 6 па 15 снежня;
- у іншых УВО - з 1 па 7 жніўня.
Калі пройдзе залічэнне абітурыентаў на бюджэт?
- Залічэнне на спецыяльнасці без уступных выпрабаванняў у Ваенную акадэмію Рэспублікі Беларусь, Інстытут памежнай службы, Універсітэт грамадзянскай абароны МНС, Беларускі дзяржаўны універсітэт культуры і мастацтваў, на ваенныя факультэтах ў УВО - да 4 жніўня;
- ва УВА сельскагаспадарчага профілю на завочную форму - да 20 снежня;
- у іншыя дзяржаўныя УВА - да 6 жнiўня;
- залічэнне на спецыяльнасці з уступнымі выпрабаваннямі ў дзяржаўныя УВА - да 10-11 жнiўня;
- на ваенныя факультэты ў УВО - да 5 жніўня.
Абітурыентаў на платнае аддзяленне залічаць да 17 жніўня (а ў завочнай форме атрымання адукацыі ва УВА сельскагаспадарчага профілю - таксама да 20 снежня).
Пастанова рэгулюе і правілы дадатковага набору і тэрміны уступнай кампаніі для замежных грамадзян, асоб без грамадзянства і некаторых грамадзян Украіны. Дакумент уступае ў сілу пасля афіцыйнага апублікавання.
