МЗС РФ адрэагаваў на заяву аб дыскрымінацыі Латвіі ў часы СССР

© Sputnik / Наталья Селиверстова / Перайсці ў медыябанкБудынак міністэрства замежных спраў РФ
Будынак міністэрства замежных спраў РФ - Sputnik Беларусь
Падпісацца
У расійскім МЗС нагадалі, што ўсе жыхары Латвіі ў той перыяд мелі статус паўнавартаснага грамадзяніна СССР.

МІНСК, 26 чэр - Sputnik. У міністэрстве замежных спраў РФ адрэагавалі на словы прэм'ер-міністра Латвіі Крыш'яніса Карыньша аб дыскрымінацыі падчас "савецкай акупацыі".

Карыньш у інтэрв'ю латвійскаму тэлебачанню параўнаў латвійцаў ў часы СССР з цемнаскурымі амерыканцамі сёння. Па словах кіраўніка ўрада, яго суграмадзяне "выдатна могуць зразумець незадаволенасць чарнаскурых амерыканцаў", паколькі нібыта ў часы "савецкай акупацыі" таксама падвяргаліся дыскрымінацыі.

"Падобныя выдумкі не пацвярджаюцца фактамі і могуць разглядацца выключна ў кантэксце прапагандысцкіх трукаў, прычым невысокай якасці. Добра вядома, што ў савецкі перыяд з цэнтральнага бюджэту вылучаліся значныя сродкі на развіццё латышскай мовы і культуры, латышы былі шырока прадстаўлены ва ўладных структурах і нават уваходзілі ў склад вышэйшага кіраўніцтва краіны, а ўзровень даходаў на душу насельніцтва ў Латвійскай ССР быў адным з самых высокіх па Саюзе", - гаворыцца ў каментары МЗС РФ.

У міністэрстве выказалі здагадку, што прэм'ер Латвіі, напэўна, забыўся ці не хоча ўспамінаць, што ўсе жыхары Латвіі ў той перыяд мелі статус паўнавартаснага грамадзяніна СССР.

"Многія з іх нават не маглі ўявіць, што ў адзін момант апынуцца ў чужой краіне ў якасці "неграмадзян". Вось ужо сапраўды прамая падстава пагаварыць пра расізм або апартэід у гэтай "сучаснай" еўрапейскай краіне", - адзначылі ў МЗС РФ.

Стужка навiн
0