МІНСК, 29 чэр - Sputnik. Праект абнаўлення Кодэкса Беларусі аб адміністрацыйных правапарушэннях будзе разгледжана 30 чэрвеня ў першым чытанні, паведамілі Sputnik у палаце прадстаўнікоў Нацыянальнага сходу Беларусі.
Змяніць заканадаўства аб адміністрацыйных правапарушэннях у канцы 2019 годзе запатрабаваў кіраўнік дзяржавы.
Праект закона быў вынесены на грамадскае абмеркаванне. Ад жыхароў краіны паступіла амаль 2000 прапаноў і дапаўненняў, частка з якіх увайшла ў праект закона. Плануецца, што з КаАП будзе выключана да 50 артыкулаў. Змяненні накіраваны на гуманізацыю адміністрацыйнага заканадаўства ў краіне.
Разгляд у Авальнай зале
"30 чэрвеня падчас пасяджэння Палаты прадстаўнікоў дэпутацкі корпус плануе разгледзець у першым чытанні праекты законаў "Аб праекце Кодэкса Рэспублікі Беларусь аб адміністрацыйных правапарушэннях", "Аб праекце Працэсуальна-выканаўчага Кодэкса Рэспублікі Беларусь аб адміністрацыйных правапарушэннях", - паведамілі Sputnik ў прэс службе ніжняй палаты беларускага парламента.
Закрыццё сесіі
30 чэрвеня таксама адбудзецца закрыццё другой сесіі Палаты прадстаўнікоў Нацыянальнага сходу Рэспублікі Беларусь сёмага склікання. Як адзначылі ў палаце прадстаўнікоў, не гледзячы на тое, што сесія зачыніцца, дэпутаты на вакацыі не сыдуць, яны будуць працаваць у акругах і ў любы момант могуць сабрацца на мерапрыемства, калі спатрэбіцца ва ўмовах прэзідэнцкай кампаніі. Восеньская сесія адкрыецца, па традыцыі, на пачатку лістапада.
