МІНСК, 29 чэр - Sputnik. Экс-дэпутат беларускага парламента, прэтэндэнт на пасаду кіраўніка дзяржавы Ганна Канапацкая прынесла сёння ў ЦВК Беларусі дакументы для рэгістрацыі кандыдатам у прэзідэнты.
Яна стала трэцім па ліку удзельнікам гэтай прэзідэнцкай кампаніі, які прынёс у Цэнтрвыбаркам Беларусі неабходныя дакументы. Раней у ЦВК перадалі дакументы для рэгістрацыі кандыдатамі ў прэзідэнты экс-банкір Віктар Бабарыка і экс-кіраўнік ПВТ Валерый Цапкала. Абодва яны заявілі, што набралі неабходныя для рэгістрацыі кандыдатам на пасаду кіраўніка дзяржавы 100 тысяч подпісаў.
"Дакументы Канапацкой прынятыя", - сказалі Sputnik ў панядзелак у Цэнтрвыбаркаме.
У адпаведнасці з каляндарным планам падрыхтоўкі і правядзення выбараў кіраўніка дзяржавы, удзельнікі прэзідэнцкай кампаніі Маюць права падаваць дакументы ў ЦВК да 4 ліпеня ўключна. Затым Цэнтрвыбаркам будзе правяраць дакладнасць подпісаў у падпісных лістах і прыме рашэнне аб рэгістрацыі ці нерэгістрацыі кандыдатам.
Прыём дакументаў працягваецца
Прэзідэнцкія выбары прызначаныя ў Беларусі на 9 жніўня. З 20 чэрвеня па 4 ліпеня праходзіць этап падачы ў ЦВК дакументаў для рэгістрацыі кандыдатамі ў прэзідэнты, а з 5 па 14 ліпеня будзе праходзіць сама рэгістрацыя.
Рашэнне аб рэгістрацыі або адмове ў рэгістрацыі прымае ЦВК, пры гэтым улічваюцца таксама парушэнні выбарчага заканадаўства падчас збору подпісаў, які завяршыўся 19 чэрвеня. Сапраўдных подпісаў у падтрымку вылучэння кожнага кандыдата павінна быць не менш за 100 тысяч, цяпер яны праходзяць праверку ў адпаведных тэрытарыяльных выбаркамах.
Як раней паведамлялася, пасля этапу збору подпісаў за вылучэнне ў кандыдаты ў выбарах прэзідэнта Беларусі працягваюць удзел сем чалавек.
Першымі былі пададзеныя дакументы для рэгістрацыі Віктара Бабарыкі. З-за таго, што ён ужо быў затрыманы і знаходзіўся СІЗА, дакументы ў ЦВК Беларусі прывезлі прадстаўнікі ягонага выбарчага штаба.
Таксама здалі сабраныя подпісы дзейны прэзідэнт Аляксандр Лукашэнка, экс-кіраўнік Белгазпрамбанка Віктар Бабарыка, экс-кіраўнік Парку высокіх тэхналогій Валерый Цапкала, жонка блогера Сяргея Ціханоўскага Святлана Ціханоўская, экс-дэпутат Ганна Канапацкая, сустаршыня грамадскага аб'яднання "Гавары праўду" Андрэй Дзмітрыеў, старшыня Беларускай сацыял-дэмакратычнай "Грамады" Сяргей Чарэчань.
