Максімальны бал на ЦТ-2020 у гэтым годзе атрымалі 323 абітурыента

© Sputnik / Виктор ТолочкоАбітурыент перад здачай ЦТ
Абітурыент перад здачай ЦТ - Sputnik Беларусь
Падпісацца
У гэтым годзе больш абітурыентаў, якія атрымалі "сотку" па двух прадметах, але няма ніводнага, у каго максімальны бал быў бы па трох дысцыплінах.

МІНСК, 29 ліп - Sputnik. Максімальны бал на цэнтралізаваным тэсціраванні сёлета атрымалі 323 абітурыента, паведаміў дырэктар Рэспубліканскага інстытута кантролю ведаў (РІКВ) Юрый Міксюк.

Праца за камп'ютарам, архіўнае фота - Sputnik Беларусь
Дзе сачыць за ходам падачы дакументаў у ВНУ?

Для ўдзелу ў цэнтралізаваным тэсціраванні 2020 года прынялі 62384 абітурыента.

"Больш за 3% абітурыентаў на выпрабаванні не з'явіліся", - сказаў Міксюк.

Дырэктар РІКВ нагадаў, што ацэнка вынікаў выканання тэстаў у гэтым годзе ажыццяўлялася на падставе методыкі, якая была выпрабаваная і ўкаранёна ў 2019 годзе.

Абсалютныя вынікі (100 балаў) у гэтым годзе паказала 323 ўдзельніка ў 338 выпадках.

"Гэта значыць абсалютных вынікаў у нас 338 - столькі ж было і ў мінулым годзе. Але ў гэтым годзе на тры чалавекі больш тых, хто паказаў абсалютны вынік па двух прадметах. Такіх чалавек 15, у мінулым годзе такіх было 12", - распавёў Міксюк.

Кіраўнік РІКВ таксама распавёў пра тое, што ў 134 выпадках абітурыенты па выніках выканання тэстаў атрымалі нуль балаў.

"Гэта некалькі ніжэй, чым у мінулым годзе. У мінулым годзе было 152", - адзначыў Міксюк.

У рэзервовыя дні максімальных вынікаў не паказаў ні адзін абітурыент.

Парушэнняў у 2020 годзе на ЦТ, па словах кіраўніка РІКВ, было крыху менш, чым у 2019 годзе. Было зафіксавана ўсяго 13 выпадкаў, тады як у мінулым годзе такіх выпадкаў было 17. Самым частым парушэннем было выкарыстанне мабільных тэлефонаў, былі спробы выкарыстання шпаргалак.

Нагадаем, сёння ў Беларусі працягваецца прыём дакументаў ад абітурыентаў у ВНУ: на бюджэт можна падацца да 31 ліпеня, на платнае - да 15 жніўня.

Стужка навiн
0