МІНСК, 31 ліп - Sputnik. Знешні дзяржаўны доўг Беларусі па стане на 1 ліпеня склаў 18 мільярдаў долараў, павялічыўшыся з пачатку года на 0,9 мільярда, або на 5,3%, паведамілі ў прэс-службе Міністэрства фінансаў рэспублікі.
У той жа час сукупны дзярждоўг на пачатак ліпеня склаў 52,6 мільярда рублёў і вырас у параўнанні з пачаткам бягучага года на 7,8 мільярда рублёў, або на 17,5%.
"У студзені-чэрвені 2020 года прыцягнуты знешнія дзяржаўныя пазыкі на суму, эквівалентную 1817,8 мільёна долараў", - адзначылі ў Мінфіне.
Пры гэтым былі пагашаны абавязацельствы па дзяржаўнаму доўгу на агульную суму ў 786,2 мільёна долараў. Унутраны дзярждоўг зараз складае 9,3 мільярда рублёў, за паўгода ён вырас больш чым на палову мільярда рублёў, або на 6,4%.
Беларускія ўлады за справаздачны перыяд размясцілі ўнутраных валютных дзяржаблігацый для юрыдычных і фізічных асоб на суму 210 мільёнаў долараў. Пры гэтым былі пагашаны абавязацельствы ў памеры 360,4 мільёна долараў і 161,2 мільёна рублёў.
Цікава, што 1 мая, калі Мінфін даваў справаздачу аб стане дзярждоўгу, ён складаў 16,6 мільярда долараў. Атрымліваецца, што ўсяго за два месяцы ўлады нарасцілі запазычанні на 1,4 мільярда долараў.
